Miðasala fyrir árshátíð

Kæra fólk,

Nú er miðasölu fyrir árshátíðina lokið en ef einhverjir eiga eftir að kaupa miða er hægt að leggja inn á okkur og síðan nálgast miðana í fordrykknum eða eftir samkomulagi.

Reikningsnúmerið okkar: 0323-26-711006
Kennitala:711006-0440

Verð:

5.000 kr fyrir skráða meðlimi Artímu
6.000 kr fyrir gesti
1.500 kr bara á ballið (fyrir meðlimi sem og gesti)

Frestur til að kaupa miða rennur svo út laugardagskvöldið 13. mars þannig að það er best að drífa þetta af sem fyrst :)

Við hlökkum til að sjá ykkur,

Artíma

P.s. sjáumst hress í Vodafone í kvöld!

Vísó í Vodafone

Jæja kæru listfræðinemar
Þá höldum við leið okkar í Vodafone í vísindaferð föstudaginn nk. og verum mætt stundvíslega kl. 18.00. Vodafone mun halda kynningu fyrir okkur ásamt því að bjóða upp á ýmsa leiki og veigar með. VIð munum þó ekki halda ein í þetta skiptið því stærðfræðin, enskan, eðlisfræðin, tölvunarfræðin, spænskan, sjúkraþjálfunin og lífeinda- og geislafræðin munu gleðjast með okkur.

Vonandi sjá sem flestir sér fært að mæta, því við hlökkum til að sjá ykkur!
-Artíma-

Skráning fer fram í komment kerfinu hér að neðan kæru vinir :)

Miðasala fyrir árshátíð Artímu 2010!

Kæru listfræðinemendur

Miðasala fyrir árshátíðina okkar, sem mun verða haldin hátíðleg þann 19.
mars, mun hefjast á morgun, þriðjudag!

Miðasalan fer fram eins og hér segir:

Þriðjudag 9. mars kl. 14:00-15:00 í Árnagarði
Miðvikudag 10. mars kl. 10:00-12:00 á Háskólatorgi
Föstudag 12. mars í frímínútunum í menningarheimum í Skriðu

Verð:

5.000 kr fyrir skráða meðlimi Artímu
6.000 kr fyrir gesti
1.500 kr bara á ballið (fyrir meðlimi sem og gesti)

Sjáumst 19. mars!

Artíma

Árshátíð Artímu 2010

Kæru listfræðinemar,

Föstudaginn 19. mars verður mikið um dýrðir því að þá verður Árshátíð Artímu 2010 haldin hátíðleg á Hótel Sögu. Líkt og í fyrra verður hún haldin ásamt níu öðrum nemendafélögum; Fiskinum, Flog, Fróða, Homo, Kumli, Mentor, Mími, Norm og Torfhildi.

Í þetta skiptið verður sameiginlegt þema Tortóla 2007 og því eru allir hvattir til að fara í sitt fínasta útrásarvíkinga púss.

Kvöldið mun hefjast klukkan 18:00 að Eggertsgötu 24, íbúð 113 þar sem Artíma mun bjóða upp á fordrykk.Eftir það munum við fara á Hótel Sögu (Tortóla), en húsið opnar klukkan 18:30.Borðhald hefst klukkan 19:30 í Súlnasal en að þessu sinni er boðið upp á hlaðborð sem verður ekki af verri endanum:

Forréttir 

Hægeldaður lax með mangó salsa

Appelsínu marineraður skelfiskur

Salat með grilluðum ananas og engiferdressingu

Kjúklingastrimlar í saté sósu

Nautaþynnur á klettasalati

Aðalréttir

Kryddjurtamarinerað lambalæri

Salvíukryddaðar kalkúnabringur

Kartöflugratín

Sykurbrúnaðar kartöflur

Fersk grænmetisblanda

Rauðvínssósa

Ábætisréttir

Ávaxtabakki

Kaka

Ís

Klukkan 23:00 munu félögin svo sameinast á dansleik þar sem hljómsveitin Douglas Wilson mun halda uppi stuðinu fram eftir nóttu.

Verð

5.000 kr. fyrir skráða meðlimi Artímu

6.000 kr. fyrir óskráða og gesti

1.500 kr. bara ball

Miðasala verður auglýst síðar.

Látið ekki þennan viðburð framhjá ykkur fara!

Artíma hlakkar til að sjá ykkur sem flest 

Vísindaferð í Arkiteó

Kæru listfræðinemendur

Næsta föstudag, þann 26. febrúar, verður farið í vísindaferð á arkitektastofuna Arkiteó í Bollagötu 12, 105 Rvk. Mæting er kl 18 nk. Einar Ólafsson, eigandi stofunnar, mun taka á móti okkur og fræða okkur um stofuna og starf sitt. Boðið verður upp á léttar veitingar.

Aðeins komast 20 manns með og fer skráning fram í kommenta kerfinu.

Artíma

Vísindaferð í Odda!

Kæru listfræðinemendur

Á föstudaginn nk. klukkan 17:00 verður haldið í Prentsmiðjuna Odda þar sem tekið verður á móti okkur og farin skoðunarferð um svæðið. Eftir það verður síðan haldin kynning á starfsemi fyrirtækisins og verða léttar veitingar í boði.
Einungis 20 komast með og að venju fer skráningin fram hérna í komment kerfinu góða

 Til gamans má geta að sama kvöld er Safnanótt á vegum listasafnanna þar sem söfn víðs vegar um höfuðborgarsvæðið verða opin fram eftir kvöldi með ýmsum uppákomum, svo aldrei að vita hvert för okkar er heitið eftir Vísó

Vonandi sjáum við sem flesta

Artíma 

Vísindaferð á föstudaginn!

Heil og sæl öll sömul,

Artímu hefur boðist að fara með Mími (íslenskudeildinni) og Torfhildi (bókmenntafræðinni) til ungra sjálfstæðismanna í Valhöll föstudaginn 29. janúar kl. 18.00 þar sem boðið verður upp á spjall og léttar veitingar. Eina sem þarf að gera er að skrá sig í kommentakerfið á www.torfhildur.blog.is :)

Við bendum á að Artíma þiggur boðið á ópólitískum forsendum þar sem við tökum enga afstöðu gagnvart neinum flokki né hreyfingum.

Hlökkum til að sjá sem flesta :)

kv.

Artíma

Heimsókn og fyrirlestur í Hafnarhúsinu

Halló halló

Í upphafi nýs árs hefur Artíma ákveðið að heimsækja Listasafn Reykjavíkur við Tryggvagötu og líta á þær sýningar sem nú standa yfir, Ljóslitífun og Lucy.

Um 8 leytið verður Dr. Steven C. Dubin frá Columbia háskóla með fyrirlesturinn Arresting Images: Impolitic Art and Unexpected Reactions eða Sláandi myndir: Ögrandi list og óvænt viðbrögð í fyrirlestraröð Hafnarhússins (hægt er að skoða fyrirlesturinn nánar hér: http://www.facebook.com/event.php?eid=259068810687#/event.php?eid=259068810687&index=1)

Eftir heimsóknina munum við síðan halda á Hressó, spjalla, hafa gaman og nýta okkur tilboðin á barnum sem Hressó hefur upp á að bjóða.

Einnig viljum við benda á að við erum enn að selja Artímu skírteini og nú á aðeins 2000 krónur þar sem helmingur þessa skólaárs er nú þegar liðinn. Hægt er að ná í okkur bæði í gegnum facebook og [e-mail] nú eða bara á göngum skólans :)

 

Nýársviðburðatilhlökkun og gleði

Artíma :)
 

 

Gleðilegt nýtt ár!

elsku listfræðinemar,

Við hjá Artímu viljum óska ykkur gleðilegs nýs árs (dáldið í seinni í kantinum en virkar þó) og þakka í leiðinni allar góðu stundirnar okkar á seinasta ári.

Vonumst eftir sjá fersk og ný andlit á viðburðum Artímu og að sjálfsögðu þau gömlu og góðu einnig sem oftast á þessu ári.

Farið er að plana árshátið og er stemmning mjög góð fyrir henni í ár eins og í fyrra verður hún haldin í samráði við hinar ýmsu góðar deildir úr háskólanum. Einnig stefnum við að hinum ýmsu viðburðum til að nefna leikhúsferð, vísindaferðir og listakvöld.

Hlökkum til að sjá sem flest ykkar.

kv.

Artíma.

 

Logi í beinni!!

Jæja Kids...

Þá er komið að tækifæri fyrir fólk að komast í sjónvarpið, því okkur hefur boðist að vera með í Loga í beinni nk. föstudag! Einungis eru 20 sæti í boði og því um að gera að skrá sig sem fyrst (bara í kommentin eins og vanalega).

Planið er að hittast 19:25 fyrir utan Laugarveg 176 (gamla Sjónvarpshúsinu) en útsendingin hefst 20:00. Í boði verða síðan pizzur og meðí (bjór og gos) fyrir útsendingu og milli þátta, þar sem teknir verða upp 2 þættir. 

Hlökkum til að sjá sem flesta 

Stjórn Artímu